Rökkurstund

 

Fyrir eldri lesendur til upplestrar á rökkurstund var bókin Andvaka (2007) eftir norska höfundinn Jon Fosse fyrir valinu. Andvaka er fyrsti hluti þríleiksins sem Jon Fosse hlaut Bókmenntaverðlaun Norðurlandaráðs fyrir haustið 2015.

 

Í bókinni Andvaka ráfa Alida og Asle um götur Bergen í leit að vinnu og húsnæði. Alida er ófrísk og langt gengin, en enginn vill veita þeim húsaskjól. Þau verða æ örvæntingarfyllri þar sem þau ráfa um í rigningunni og myrkrið fellur á og kuldinn sækir að. Þau bera með sér minningar um hamingjusamari tíma, þegar þau hittust og fundu strax að þau tilheyrðu hvort öðru. En sárar minningar blandast líka inn í og í þeim minningarbrotum fáum við innsýn í hvernig þau enduðu ein í heiminum.