Morgunstund börn

Barnabók ársins til upplestrar í Morgunstund er myndabókin Hvem bestemmer noget? (2023) eftir danska rithöfundinn Jesper Wung-Sung sem inniheldur myndskreytingar eftir Jenny Lucander frá Finnlandi. Markhópur: 3-6 ára.

 

Hvem bestemmer noget? er heimspekileg og skondin myndasaga þar sem lesendur fá að kynnast forvitnu barni og föður hans. Á göngu sinni meðfram ströndinni og í  gegnum bæinn spyr barnið föður sinn hvort það sé hann sjálfur sem stjórni öldunum í sjónum, umferðarreglunum, leikvellinum og freknunum sínum. Barnið áttar sig fljótt á því að það sé margt í lífinu sem þeir feðgar fá ekki stjórnað, en að á sama tíma sé mikilvægt að gleðjast yfir því að geta valið súkkulaðiís fram yfir aðrar bragðtegundir í ísbúðinni og að geta lokað augunum og hlustað á hafið í friði og ró þegar manni sýnist.

 

Forlag: Danske Gyldendal

 

Upplestrartextarnir eru birtir á heimasíðunni 19. október - 16. nóvember.