Þema ársins

 

Þema Norrænu bókmenntavikunnar 2025 er samheldni á Norðurlöndum

 

Þemað var valið út frá þeim áskorunum sem Norðurlönd og heimurinn allur standa frammi fyrir í dag og hinum einstöku möguleikum Norðurlanda, sögulega og menningarlega til að efla tengsl sín frekar.

 

Gildi góðs norræns samstarfs er oft dregið fram sem grundvallarþáttur í því að styrkja stöðu Norðurlanda þegar við mætum sameiginlegum áskorunum. Mikilvægt er þó að leggja áherslu á samheldni Norðurlandanna sem undirstöðu fyrir öflugt samstarf. Samheldni getur birst á ýmsum sviðum - í nánum persónulegum tengslum, innan hópa og í víðtækum bandalögum þvert á landamæri.

 

Samheldni þýðir að standa saman og skapa samkennd. Þetta felur meðal annars í sér samkenndartilfinningu, tryggð, inngildingu og stuðning. Samheldni á Norðurlöndum byggir á að við eigum eitthvað sameiginlegt sem við viljum standa vörð um og að við deilum líkum gildum. Samheldni snýst um að styðja hvert annað - bæði á góðum og erfiðum tímum. Samheldni byggir á trausti og virðingu.

 

Með því að hafa samheldni á Norðurlöndum þema Norrænu bókmenntavikunnar í ár vonumst við til að skapa vettvang þar sem samheldni er í forgrunni.

 

Við vonum að Norræn bókmenntavika verði tilefni til að ræða hvað tengir okkur saman og til að skapa sterkari tengsl þvert á landamæri. Við vonum að hún verði vettvangur fyrir umræður um samheldni á Norðurlöndum, og til að skoða og ræða hvernig við getum varðveitt og þróað samheldnina - bæði í stóru og smáu - um öll Norðurlönd.