Frelsi á Norðurlöndunum

 

Í 2024 eru 80 ár liðin, síðani Ísland gjørdist sjálvstøðug tjóð. Fyri at hátíðarhalda hesa søguligu hending, fer Norðurlendska bókmentavikan at varpa ljós á Ísland og ríka íslendska bókmentaarvin. Gjøgnum upplestur úr verkum eftir íslendskar høvundar fáa vit innlit í fjølbroytta, íslendska frásagnarkynstrið, samstundis sum vit fagna mentanarliga ískoytið til norðurlendska felagsskapin.

Ársins evni fyri Norðurlendsku bókmentavikuna, Frælsi í Norðurlondum, gevur okkum møguleika at hugleiða yvir, hvat frælsi inniber fyri menniskju í Norðurlondum, og hvussu frælsi kemur til sjóndar gjøgnum bókmentirnar. Frælsi er eitt fleirtýtt hugtak og fevnir yvir persónliga frælsi, talufrælsi og frælsi at liva eftir egnari sannføring, til tjóðskaparliga stríðið fyri frælsi og sjálvbjargni.

Við at sameina 80-árahaldið fyri íslendskum sjálvstýri við Frælsi í Norðurlondum vóna vit, at Norðurlendska bókmentavikan verður ein pallur at kjakast um tankar um frælsi og samstarv. Okkara ynski er at veita íblástur til samrøður um, hvat frælsi hevur at siga fyri hvønn og ein av okkum, og hvussu vit kunnu samstarva fyri at styrkja um frælsið og samstarvið í Norðurlendska felagsskapinum.