Katrin - Sally Salminen

 

 

CitattegnFjáltur var komin á Katrina. [...] Hon droymdi um gyltar hveitiakrar og angaroykin av  fruktum - fyrst og fremst av súreplum, ið vuksu langt har suðuri á teimum himmalsku Álandsoyggjum

 

Fyrsta skaldsøgan hjá Sally Salminen, ið er frá 1939, gjørdist alt fyri eitt sera vælumtókt og er síðani vorðin klassikari. Í bókini fylgja vit teirri ungu Katrini frá Østerbotten, sum letur seg lumpa inn í giftarmál við ein fátækan sjómann, ið fyrigyklar henni eina dreymamynd av lívinum, ið tey bæði skulu liva saman. Tá Katrin fer við honum til Álandsoyggjar, vísir veruleikin seg tó at vera ein annar, og hon fær har álendska stættarsamfelagið at kenna. Hin ærukæra Katrin heldur fram at stríðast, hóast hon er fyri nógvum mótburði. Søgan um lív hennara í skergarðinum er sonn uppliving fyri lesaran.

Katrina

Upplesturin í ár - fyrstu tveir kapittlarnir í bókini:
- I Österbotten (s. 7-11)
- Där äpplena växa (s. 12-24)

 

Brot úr tekstinum til upplesturin verða tøk í oktober fyri teir stovnar, ið hava teknað seg til bókmentavikuna.