Malin Kivelä & Martin Glaz Serup

 

"Tey vaksnu siga, at náttúran er so vøkur. At tað er so frálíkt at ganga sær ein túr í frísku luftini. Tey vaksnu siga, at bjarnir ræðast teg eins illa og tú ræðist tær. Men er tað satt?"

Møtir tú eini bjørn (Om du möter en björn) er eitt einastandandi gott dømi um norðurlendskt myndabókasamstarv. Danski Martin Glaz Serup og finnlandssvenska Malin Kivelä hava skrivað tekstin, og finnlandssvenska Linda Bondestam hevur myndprýtt. Við hópin av fjálgum skemti, kannar myndabókin spurningin um, hvat tú gert, møtir tú eini bjørn. Í søguni fylgja vit einum persóni á skógarferð, men veruligi høvuðspersónurin er bjørnin. Møtið millum menniskjað og bjørnina verður lýst á ein spælandi álvarsaman hátt, og søgan javnvigar allatíðina millum fakta og undirhald. Tað nyttar onki at renna undan, tí bjørnin er skjótari en tú. Lat vera við at skríggja, men tosa heldur við hana um veðrið ella sig henni eina skemtisøgu. Helst dugir tú eisini betur enn bjørnin at tekna. Bókin er í uppskoti til Barna- og ungdómsbókmentavirðisløn Norðurlandaráðsins 2022.

Myndabókin verður frá oktober at finna her á heimasíðuni til teir stovnar, sum hava teknað seg til Norðurlendsku bókmentavikuna.