Ársins bókmentir og evni

 

Vælkomin til Norðurlendsku bókmentavikuna dagarnar 15.-21. november 2021

Dreymar og longsil í Norðurlondum

 

Í ár bjóðar Norðurlenska bókmentavikan børnum og vaksnum til løtu við upplestri, har søguevnini eru dreymar og longsil. Seinasta tíðin hevur verið merkt av øktari fjarstøðu og stongdum landamørkum. Einki er, ið sameinir fólk um landamørk, sum dreymar og longsil. Tað, ið vit droyma um og leingjast eftir, er so sera ymiskt, men kenslurnar eru tær somu. Bókmentirnar hava til allar tíðir hjálpt okkum at droyma okkum burtur, nakað ið kanska hevur havt serliga stóran týdning undir alheimsfarsóttini. Tess vegna bjóðar Norðurlendska bókmentavikan til samrøðu um júst dreymar og longsil.

 

Dreymar og longsil í bókunum til upplesturin í ár

Dreymar og longsil eru týðandi evni í bókunum til ársins upplestur. Undir Sólarrisi fara vit at lesa Perlufiskarin eftir Karina Erlandsson fyri børnunum. Í bókini, sum hevur verið í uppskoti til Barna-og unglingabókmentir Norðurlandaráðsins, fylgja vit Mirandu í leitan hennara eftir tí gitna eygnasteininum. Søgnin sigur, at tann, ið finnur hesa perlu, fer ongantíð aftur at leingjast eftir nøkrum.

Tá ið hildið verður Skýming, fara teir vaksnu lesararnir at lurta eftir klassisku skaldsøguni Katrin eftir Sally Salminen. Vit fáa at hoyra um ta ungu Katrina, ið verður lumpað inn í giftamál við fátækan sjómann, sum fyrigyklar henni eina dreymamynd av lívi teirra saman. Søgan um Katrina er sterk lýsing av eini álendskari kvinnulagnu, og sum hevur verið vælumtókt og nógv lisin.