Taarsiarsaanerani - Islandimiut kunngii

Islenskir kongarCitattegnAmerikarmiut dollargriniat atuarfik qalliartoraa takuneqarsinnaavoq, ilinniartitsisulli biilinik inissiisarfiinut uninngilaq atuarfiummi illoqannginnersaanut pulavoq. Tassunga unippoq. Cadillac kusanartorsuaq, aturfiup saavani ujaraaqqanut basketball'ertut akornannut. Basketball'ertut timmissatut sukkatigalutik illuakaapput, Cadillac'ilu kiserngoruppoq, tungujortoqqorsuk sølvinik titarnilersugaq sukkasoorujussuarlu. 

 

Arnfinn Knudsen biilimit niuvoq, atisaralugit habitit qernertut amistuaqqamik titarnillit skoqarpoq qaqortunik nasaqarluni seqinersitillu. Tunuanut ilivisimmukarpoq guitarillu puua aallaasaagunartumik qoorortuumilluunniit imaqunavissoq niullugu.Citattegn

 

Islandske konger oqaluttuaapput oqaluttualianik knudsen'inik kinguaariinnik imalik, aalisartoqarfimmi Tangavimmi najugalinnik katersat. Tangavik sunik tamanik inissaqartitsivoq, tamaani aliasunneq nuannaarnermik taarserneqartarpoq, toqu inuunermik ersinerlu sapiinnermik naapitsiffiusarluni. Illoqarfiup qeqqani Knudseninik nikorfasoqartuaannarpoq illoqarfimmi tupinnaannartumik nerreersuut, qapportuut, aalisallammassuit, aalisariutaatillit, peqquserluttut matematikkimmallannillu ujameriattarpoq. Atuakkap aqqa imminut assortuuttutut paasineqarsinnaavoq, Islandimimi kunngeqanngilaq. Atuakkami kunngiararpassuit Einar Már Gudmundssonip qallunaat kunngii islandermiut sivisuumik ittorisimasaat assersuutigai. Islandermiut kunngii sianiitsut sapiitsuliortutut inuttaritippai taqqamikkullu tungujortumik aaqanngikkaluarlutik islandermiut isumaqartaramik kunngitut pissusilersorsinnaallutik.

 

 

ATUAKKIORTQ PILLUG

Einar Már GudmundssonEinar Már Guðmundsson Islandermiuuvoq atuakkiortoq 1954-imi Reykjavikimi inuusoq. Atuakkialerineq oqaluttuarisaanerlu pillugit Háskóli Íslandsimi (Islandimi Universiteti) atuakkialerinermilu ilinniarnini Københavns Universitetimi nangeqqippaa 1980-imilu taallat katersat Sendisveinninn er einmanna aamma Er nokkur í kórónafötum hér inni siullermeerluni saqqummersippai? 1995-imi Einar Már Nordisk Råds litteraturprisimi takisuuliani Englar alheimsins (Silarsuup inngilii) akissarsissutigaa. Atuagaq nuannarisaaqisoq 2000-imi filmiliarineqarpoq iluatsilluartumik. Einar Már Islandimi atuakkiortutut ataqqinarnerpaat ilaattut isigineqarpoq ilaatigullu Karen Blixen-medaljennannikuulluni aammalu Den Islandske falkeordeninnannikuulluni.

 

Assiliisoq: Gassi