Pissarsuit quppersagaat

Håndbok for superhelterCitattegnlisiviit naqqanniippoq atuagaq aappalungaarami qaamasuinnaasoq. "Håndbog for Superhelte"-p qimerluani allaqqavoq.  

Lisap nalunngilaa piviusumi sapiitsuliortartoqanngitsoq. Kisianni soorlu atuakkap Lisa oqaluukkaa tigoqqulluni qupperaqqullunilu. 

Tassani nakuarsuanngornissamut suna tamaat erseqqeqqinnaartumik qanorlu sungiusarneqassanersut oqaluttuarineqarpoq. 

Marlunnguilluunniit ilikkarsinnaagukkit suna tamarmi oqinnerulissagaluarpoq, Lisa eqqarsarpoq.Citattegn

 

 

Lisa anaanami sulinerani aanaamini najugaqartariaqarpoq. Lisa atuarfittaamini atugarissaarpallaanngilaq, nukappiaqqanit siutini tikkungasut pillugit qinngasaartittarpoq. Unnukkut innarnialernerit tamaasa siutini niaqqumi tungaanut nuttuttarpai, neriuutigalugu aqagukkut iteruni "nalinginnaanerulaartunik" siuteqalersimassalluni. Ullut ilaanni Lisa nukappiaqqat qinngasaariumatuut toqquunniarlugit soraarluni atuagaateqarfimmut qimaavoq. Tassani ilisiviit naqqanni atuagaq atuakkamik imminerminut qinngorsimasutut ittumik nassaarpoq. Ilisivimmiit tigugamiuk atuakkap aqqa takuaa "Håndbog for superhelte" (Sapiitsuliortartunut ilitsersuut). Atuagaq atuagaateqarfimmi atugassatut allattorsimasuutigineqanngilaq, atuagaatilerisullu atuagaq Lisap tigugaluarpagu ajorinngilaa. Tassanngaanniit Lisa Røde Maskeulluni sapiitsuliortartunngorpoq 

 

Lisap pissusaa inuusuttunit kikkunnit tamanit ilisarineqarsinnaavoq - Pippi Langstrømpe nukissualittut. Ilikkapallattarpoq, nukittuujugaannilu aamma inussiarnersuusariaqarpoq akiniaagaluaraannilu iluaqutaanavianngilaq. 

 

Atuakkiortut pillugit   

Elias og Agnes VåhlundSvenskit nuliariit Elias Våhlund (in. 1973) aamma Agnes Våhlund (in. 1985) 2002-mi isiginnaartitsisusiornerminni naapipput, Elias isiginnaartitsisartuuvoq Agnesilu titartaasutut suliaqarpoq. Marluullutik Håndbog for superhelte atuakkiaraat, Elias Våhlund oqaluttualiortuulluni Agnes Våhlundip nangeqattaartoq titartagartalersorpaa. Atuagaq sisamanik nanginneqartoq tigulluarneqaqaaq, atuakkallu aappaa nungoreersimavoq. Røde Maske nangeqattaartuni tulliusoq svenskisut saqqummerpoq atuakkallu kingulliit 2018-ip ingerlanerani saqqummissapput. 

 

Atuakkiortoq Elias Våhlund aallutassaaleqisuunngilaq ilaatigullu isiginnaartitsivimmi nakkutiginnittutut sulivoq, isiginnaartitsissusiortuulluni, isiginnaartitsisartuulluni isiginnaartitsinermi sapiisertartuulluni ilinniartitsisuullunilu. Cirkussimik isiginnaartitsartutut ukiut pingasut ingelanneqartartumik ilinniarfimmik aallartitsisimavoq aammalu ukioq ataaseq ingerlanneqartartumik isiginnaartitsivimmi sapiisertartut ingerlataqarluni. Tamakku saniatigut Tuluit Nunaanni VM'ertoqarmat panaattartutut sølvinnannikuuvoq aammalu British Academy of Fencing'imi ataqqinaammik ilaasortaalluni. Agnes Våhlund siornatigut grafikeriusimavoq assinillu aaqqissuisartuusimalluni massakkulli tamakkiisumik titartaasartuulluni. 

 

Assiliisoq: Göran Segeholm