Nassaarineqarsinnaanngitsut

De som ikke finnesCitattegnHej, Emilie, nipaatsumik tuluttut oqarpoq - Eqqaamavinga? Emiliep sigguni tikerminik tikkuaqqavai. Taava qipimminik poorluni igalaap tungaanukaroq. Siumut orlernimini tarrani isigaa.

 

- Samuel?! Isussuppoq. - Maani suit? Qanoq ilillutit maannaravit? Assammini ipertuumik assani pooqqavaa qaamigullu ikeqarluni. - Najukkat pappiaqqamut allannikuuat, akivoq. - Eqqaamaviuk? Emiliep eqqaamavaa. Soorunami eqqaamavaa. Suna tamaat eqqaamavaaCitattegn

 

Dem, der ikke findes (2014) nangeqattaartuni pingasuni inuusuttumik norskiusumik Emiliemik aamma pappiliartaqanngitsumik Ghanamiit qimaasoq Samuel pillugu oqaluttuaavoq. Atuakkami siullermi, Barsakh (2009), Emilie Gran Canariami ilaqutariinnut ferierpoq, tassani ilaqutariit afrikameersut umiatsiamik qimaasut ipinissaraluannit annaappai. Qimaasut ilagaat Samuel Emiliellu angelannginnermini najukkani pappilissamut allallugu tunniuppaa.  Verdenredderne'mi Emilie silarsuit pingajuanni sulisunik atornerluinermut akerlioqataavoq. Dem, der ikke findes'imi Samuel pappiliartaqanngitsumik Norgemut qimaasoq naapeqqipparput Emilielu toqqaanissamut ajornartumut pivoq. Pappiliartaqanngitsumimmi qimaasumit kasuttorfigineqarluni qanoq iliortoqarsinnaava?

 

Dem, der ikke findes massakkut pisunik imaqarpoq, tiguartinnarlunilu politikkimullu tunngasunik imaqarluni inuusuttunut takisuuliaavoq. Atuagaq nutaajunerusumi sapiitsuliortunik oqaluttuarpoq aammalu eqqortup ajortullu akornanni unammallerneqaraangami akunnerat qanoq erseqqittartigisoq takutinneqarpoq.

 

 

ATUAKKIORTOQ PILLUGU

Simon StrangerSimon Stranger (in. 1976) norskiuvoq atuakkiortoq Oslomi najugalik. Filofimi upperisamullu tunngasunik Universitetimi Oslomiittumi ilinniarsimavoq aammalu meeqqanut atuakkiortutut Bømi atuarsimalluni. 2003-mi siullermeerluni atuakkamik saqqummersitsivoq atuakkiaralugu 'Den veven av hendelser vi kaller verden' ingerlaqqillunilu meeqqanut inuusuttunullu atuakkiortarpoq, ilaatigut tyskisut, franskisut, spaniamiutut, araberisut, japanimiusut kurdiskesullu nutserneqartartunik.

 

Nunarsuup naapertualluanngittarnera Strangerip atuakkioriaasiani malunnartinneqartarpoq, inuusuttuunerminilu inuusuttut akornanni isummaminik siaruarteriniartartuusimavoq.

 

Atuagaq Dem, der ikke findes (2014) atuakkiaani inuusuttuaraq Emilie pillugu nangeqattaartuni pingasuni kingulliuvoq. 2015-imilu atuagaq taanna pillugu Nordisk Råds meeqqanut- inuusuttunullu atuakkianut akissarsisussatut innersuunneqarsimavoq. Uani her Stranger pillugu annerusumik nammineq nittartagaani atuarsinnaavutit..

 

Assiliisoq : André Løyning